Shillong, Risaw,15: Ki shipai ia da khappud ki Border security Force (BS
F) jong ka Borsora kaba hap ha South West Khasi Hills District Meghalaya,ki BSF kiba dei peit ha kane ka thain kila la ioh ban kem ia u wei u briew uba kyrteng u Vinod Rasali 28 snem uba dei na ka shnong Bagar Patar, kaba hap hapoh ka Baligoan jong ka Gohapur police station Sonitpur district jong ka Assam.
Ki BSF kila kem ia u haka por katba u dang mut ban rung na India na Bangladesh bad na u la ioh ban kurup ia ka pisa India kaba dei ka pisa thok. Kane ka pisa kaba la ioh kurup ka long palat phew lak tyngka. Na u Vinod ki BSF kila ioh ruh iaka pisa jong ka Ri Nepal, ka Ri Bhutan , lem ka pan Card No. BBSP.386480 bad ICICI ATM card No – 46295203295785 .
Ka jingthmu jong u ne briew ka long ba la wanrah na Bangladesh ban bujli ha poh jong ka Ri India, hynrei ki BSF ha kane ka thain ki long kiba peit ngor bha ha kane ka khappud India Bad Bangladesh ban kem ia kine ki nongshallan pisa thok.
Nalor kitei haneng shuh shuh ki BSF jong ka Meghalaya hakane ka taiew bala dep ki la ioh ban kurup 888 bilor ka kiad, 53 Cattle heads, Motorcycle, Phensedyl, bad ki wei pat haka jing mang kaba shiphew lak sawphew ar hajar (10,42,000) kat dang thmu ban pyniaid sha Bangladesh.
Ki shipai BSF ha dien ba ki la kem ia kitei baroh la aiti sha ki pulitjong ka jylla ban leh ia kaba don kam katkum ka ain.(SP News)
