Tura, Jylliew 30: Ki pulit jong ka West Garo Hills ha ka miet sngi saitjain ki la ioh ban kem ia kawei ka kali kaba iaid ha ka rukom kaba yn I iahpd dur shuh bad kiwei ki para kali, kane ka jingleh jong u nongiah kane ka kali ka la pynsuba jur ia ki pulit ban bat ia ka ha Kherapara.
Haba ki pulit ki la ioh ban bat ia kane ka kali kila ioh ban kurup ia ki pistol bad ia shibun ki kuli na kane ka kali bad ryngkat ki kot ki sla kiba ia dei bad ka seng Garo National Liberation Council (GNLA). Ryngkat kine ki tiar ialeh ki pulit ki la ioh ban kem lai ngut ki briew kiba shong ha kane ka kali.
Na ka liang jong ki pulit ki la pynshisha ba kine ki lai ngut ki dei ki dkhot jong ka GNLA na ki kot ki sla kiba don bad ki ia kaba la ioh na ka met jong ki.
Na ka liang jong ki pulit ki la kham pynjur ia ka jingpahara ha dien ba ka seng GNLA ka la dep ban pynbna ba kan ia leh pyrshah ia ki pulit namar ki la pynjur palat ia ka jingthwet ia ki dkhot jong ka seng GNLA.(SP News)
