Shillong, Naiwieng 14: Ki pulit jong ka nongbah Shillong mynta ka miet ha ka por kumba 8 baje mynmiet ki la kem ia sa wngut ki briew kiba la bam ei bad shoh briew ha iew polo ryngkat ka jingpyrta ILP.
Katkum ka jingiathuh jong ki pulit la ong ba kine ki briew ki la leit ban bam ha ka dukan kaba la tip kum ka Food Joint ynda ki la dep bam ki khlem siew ia ka bai bam bad ki da pyrta ILP bad ki la shah ia u nongap kane ka dukan kaba la tip kum u Balram Singh.
Ym tang katta hynrei kila pynra ruh ia ki jingdon ki miet ki shuki ha katei ka dukan na ka liang jong ki pulit haba ki iohi ia kane ki la beh ia kine ki 6 ngut ki briew hynrei kim shym la lap ia ki bad ki la ioh ban bat tang saw ngut.
Kine kiba shah bat ha ki pulit la tip kyrteng kum uDona Laloo, Mebanjop Dkhar baroh ar ngut kine ki dei na Mawlai Iewrynhep katba u Riewshlur Marngar ba du Livingstone Dhar ki dei na Lower Mawprem Shillong. (SP News)
