Shillong, Nohprah 05: Ki pulit jong ka nongbah Shillong ki la kem ia saw ngut ki briew kiba la tip kum u Shemphang Marbaniang na Pohkseh, Dilip Bhattacharjee na Rynjah, Mukul Banarjee na Pohkseh, bad ia u Dulit Diengdoh na Umkdait Nongmynsong, ia ki la kem halor ka jingsuba ba ki la don kti ha kaba rahbor ia ka trok na Tursad.
Kine kiba rah bor ki la phone sha u trai jong ka trok kaba don ia u numbor AS01-DC-6578 kaba kit ia ki nor jot kaba shongdor haduh T.2, 70,000/- kine kiba rah bor ki la dawa T.80000/- ban pynlait ia ki na u Arun Kumar Jamatia bad Monirul Islam.
U Monirul Islam u ba dei u nongniah kane ka trok u la shah shoh ha kine ki riew sniew. Na ka liang jong ki pulit ki la ioh ban bat ia kane ka trok na Umkdiat Nongmynsong ha dieh ba ki la lap ia ka jaka lyngba ka mobile ba ki phone.(SP News)
