Shillong, Naiwieng 21: Ki pulit jong ka South West Khasi Hills District ha ka 20 tarik mynta u bnai ha ka por jan miet ki la ioh ban kem ia saw ngut ki briew kiba la suba ba kidei ki dkhot jong ka seng HNLC, kine ki saw ngut kiba shah kem ki long mynta kid ang don ha kti ki pulit ban tohkit.
Na ka liang jong ki pulit ki la ong ba ia kine ki saw ngut la iathuh kum u Sakharia Thnongi na ka shnong Mawpdiang kaba hap hapoh jong ka Mawsynram police station, Pynshailang Nonglang, Phrenklinwell Syiemlieh bad Pholdenstar Nonglang kiba dei na ka shnong Nonglang.
Katkum ka jigniathuh jong ki pulit la ong ba ki la kem nyngkong ia u Sakharia bad ia u Bah Pholdenstar na kawei ka Bus na ka shnong Jakrem bad na ki la ioh kawei ka pla bad na kane ka pla la ioh ia ka shithi dawa pisa jong ka seng ia kaba la sop plastic bad ia kane la soi da u fiancé secretary u Bah R Kharkongor
Halor ka jingphla jong kine ki ar ngut ki pulit ki la ioh ban kem sa ia u Pynshailang bad ia u Phrenklinwell na ka shnong Nonglang kaba hap hapoh jong ka South West Khasi Hills District.
Ki pulit kila iathuh ba u Sakharia mynshuwa u dei u dkhot jong ka seng HNLC bad la kem ia u bad la pynngat ha ka kyndon jong ka MPDA bad la set ia u ha phatok jong ka Williamnagar haduh bay n da lait na katei ka jaka.(SP News)
