Shillong, Nohprah 12: Ki pulit jong ka nongbah Shillong ki la ioh ban kem ia u Fuzel Ahmed Gaqzi halor ka jingkynnoh ba u la jrong kti ia kawei ka khynnah samla ha Glory Plaza ha police Bazar .
Katkum ka jingujor jong katei ka samla sha ki pulit la ong ba kane ka jingjia ka la jia ha ka por 3.30 baje noh phai sngi katba ki paidbah kiba ia rung ia mih ha katei ka jaka die jain ki dang ia bun kam ha kaba peit jain.
La ong ba une u briew u dei u ba don ha katei ka jaka bad la tip ia ka kyrteng sien ka jong u kum u Vicky Ahamed u ba dang 33 snem ka rta. Na ka liang jong ki pulit ki la shim khia ia kane ka jingujor bad ki la ioh ban kem noh ia u tei u briew.(SP News)
