Shillong, Naiwieng 19: Ki pulit jong ka nongbah Shillong mynta ka sngi kila ioh ban kem ia u bah Anthony Kharbuli na Springside. Ka jingkem ia u ka long halor ka jingkynoh ba u la pynshit paidbah ha ka jingialang kaba la khot da ka CSWO ha ka 25 tarik jong u Nailar.
Na ka liang jong ki pulit ki la kynnoh dei na ka daw jong ka jingkren shongshit ka jong u kaba la wanrah ia ka jingiaid paidbah na Madan student sha Motphran ha ka sngi ba ka CSWO ka pynglong ia ka jingialang paidbah ha Madan student.
Kane ka jingiaid paidbah ka la wanrah ia ka jingiakawang maw ha Motphran ha kaba ki la don ki pulit kiba la mynsaw ha katei ka sngi. Ki pulit naduh katei ka sngi ki la wad lad kumno ban kem ia u Bah Kharlukhi.
Na ka liang jong ki pulit ki la bynrap ba u Bah Kharbuli u dei u dkhot jong ka seng sain pyrthei KHNAM. Ki pulit ki la pyrshah ban kem ia u ha ka sngi ba don ka jingiathoh ha Nongthymmai Nongshiliang hynrei u la lait na ka kti jong ki pulit.(SP News)
