Tura , Nailur 28: Ki pulit jong ka Garo Hills mynta ka sngi ki la ioh sa kawei ka kamjingjop ha kaba ki la ioh ban kem ia u wei u lehnoh jong ka seng GNLA ha kaba ki la ioh ban kem ia u katba u dang sam ia ki shithi dawa pisa ha ka thain Purakhasia.
Kane ka la jia mynta ka sngi ha ka por jan miet ki pulit ki la ioh kem ia u David Ch Momin u dkhot jong ka GNLA u ba dei u wei na ki dkhot jong ka kynhun ialeh jong ka GNLA kaba la tip kum ka “ Command of Jackfruit”.
Na ka liang jong u SP jong ka West Garo Hills,u Mukesh Kumar Singh u la ong ba ki pulit ki la ioh ia kane ka jingtip kaba biang bha bad ki pulit ki la ker saw dong ia katei ka jaka bad ki la ioh ban kem ia u da ka jingiarap lang jong ki paidbah katei ka shnong Purakhasia.
Na ka met jong u David Ch Momin ki pulit ki la ioh ban kurup kawei ka pistol bad san tylli ki kuli kiba khlem pat pyndon kam nalor kata ki la ioh ruh ia ka ID Cards jong katei ka seng ki pulit ki la ong ba une u lah ban dei u wei na ki lehnoh u ba ia don kti ha ka jingjia ha Garobada dangshen ha kaba lai ngu ki briew kiba la shah sait iap.(SP News)
