Guwahati, Naitung 06: Lah ban dei ka jingbakla ne ka dei ka jingleh khnang ym lah ban ong, hynrei ka la pynkyndit ia ki paidbah jong ka Nagaon District kaba dei hapoh ka jylla Assam ha kaba u Dr Safiqul Islam u la otsher ia u khynnah ba dang shisnem hapoh AJ Hospital, Marikalong.
Haba kren ha ki ladpathai khubor u Bapi Ghosh u la ong ba ki la ialam ia u khun jong ki sha katei ka hospital na ka bynta ban puid ia u tujaw ha ka khlieh jong u khun jong ki hynrei kaba la pynlyngoh ka long ba u tei u doctor u la otsher pynban ia u khun. Ha dien ba ki la ia kren na ka liang jong u Doctor Safiqul Islam u la puid ia u tujaw na ka khlieh jong u khynnah.
Na ka liang jong u Ghosh u la ujor ia kane ka jingleh jong u Dcotor sha ki pulit jong katei ka jaka bad na ka liang jong ki pulit ka jylla Assam ki la kem ia une u doctor(SP News)
