Shillong, naitung 12: Ki pulit jong nongbah Shillong ha dien ba ki la iohia ka jingujor na ka kong Ceedorish Nongsiej ba ha ka 2 tarik mynta u bnai u wei u briew u ba la tip kyrteng kum u Kamal Thapa u la rah bor ia kaba ha iing jong ka kaba dang 13 snem.
Na ka liang jong ki pulit ki la trei shitom bad ki la thwet ia u ne u briew ha kaba ki la ioh ban kem ia u na Umpling.
Ha kawei pat ka jingjia ka samla Banani Sharma kaba shong bas ah ha Mawprem,Shillong ka la ai ia ka jingujor sha ki pulit ba ha ka miet sngi palei la don ba phone ia ka na u ne u mobile number (No. 9954356988) bad une u briew ba phone ia ka u la kren da ki ktien khlem akor ia ka.
Ha Nongstoin, West Khasi hills kawei ka samla kaba la 20 snem ka rata ka la leit ban ujor sha ki pulit jong ka Nongstoin ha u wei u briew u ba kam shym la ithuh ua la ktah ia ka met jong ka ha Nongpyndeng ha ka por 6.15 baje jan miet.(SP News)
