Shillong, Risaw 19: Ki pulit jong ka nongbah Shillong ki la liet ban kem ia u bah Lakitbok L. Marshillong jong ka dong Mynsain na Upper Lumparing,halor ka jingkynnoh ba u la don kti ha kaba thang ia ki bike ha Sisir Compound ha kine ki sngi.
Ha ka wei pat ka jingiajia ka la don ka jingiasiat hapdeng ki pulit bad ki nonglute surok bhah ha Gabil Bisa ha East Garo Hills ha kane ka jingjia yms hum don ba mynsaw namar ki nonglute ki la phet noh sha khlaw. Ki pulit ki la lap ia kane ka kynhun nonglute ha ka por ba ki dang lute na ki trok kit dewiong.
Ki pulit jong ka Mahendraganj ki la kem ia u Subodh Hajong bad ia u Luis Ch. Sangma halor ka jingkynnoh ba ki la don kti ha kaba leh beijot ia kawei ka kynnah ha katei ka jaka.
Ki briew kiba ym lah ban tip ki la shimwai ia ka kali Maruti Alto ba don ia u number AS-18B-5229 kaba la niah da u Bikash Ch. Roy na Dudhnoi sha Rongjeng. Hynrei kine ki briew yn da ki poi sha shiteng lynti ki la ot ia u ryngdang jong u dribat haduh ban da iap bad rah ia ka kali kane ka la jia ha ka khlaw jong ka Chichra Reserve, NH-62 ha East Garo Hills.(SP News)
