Shillong, Naitung 05: ka pulit jong ka jylla Meghalaya mynta ka sngi ki la kem ia u Bah Deibor Mitre Kyndiah u ba trei kum u enforcement checker hapoh ka ophis jong u District Transport Officer Shillong hapoh ka kyndon ain bamsap.
Katkum ka jingiathuh jong ki pulit la ong ba u Bah Kyndiah u la dawa T.10000/- na u V Arya u ba la apply ban ioh ia ka Assurance Letter, ha dien ka jingia dait dor u Bah Kyndiah u la munjur ban shimnoh tang Rs.5000/-.
Na ka liang jong ki pulit kiba la pynap shrip lypa ki la kem mardor ia u ha ka por ba dang ia ai pisa. Na ka liang jong ki pulit ki la talsi ia la met jong u bad ki la ioh sa T.21000/- ia kaba ki la shim noh na u. Ki pulit mynta ki dang pynlong ia ka jingthohkit ha kaba ia dei bad kane ka kam.(SP News)
