Tura, Naitung 23: Ki pulit jong ka West Garo Hills District ki la ioh bankem ia saw ngut ki nongiarap ba ratbah jong ka seng lehnoh GNLA na Tura ha dien ba ki la peit thuh ia ka iaid ka iieng ka jong ki la kham slem.
Kine kiba shah kem ki long u Tengsan A Sangma, Rikkim Marak, Amseng B Sangma , bad u Sengman B Sangma. Ia kine baroh la kem na Tura.
Halor ka jingiathuh jong kine ki saw ngut ki nongiarap jong ka seng GNLA, ki pulit ki la leit sha Duduret kaba hap hapoh jong ka Selsella ba ka don ka ktem jong katei ka seng lehnoh.
Katba ki pulit ki dang tur sha katei ka jaka reih jong ki lehnoh ka la mih ka jingshah ther kuli ha kaba ki pulit ki la pynphai kylla ha kane ka jingiasiat ym shym don ba mynsaw mano manor uh.
Na kane ka ktem jong ki lehnoh GNLA ki pulit ki la ioh ban kurup, kawei ka pistol, u wei u bom grenade, kawei ka wireless set, 20 tylli ki kuli ba pat pyndon kam bad saw tylli ki shithi dawa pisa.
Na ka liang jong ki pulit ki don ka jingsuba kaba jur ba dei kine ki saw ngut ki briew kiba la sam ia ki shithi dawa pisa jong ka seng GNLA sha ki nongkhaii ha ka nongbah Tura.(SP News)
