Shillong, Nailar 22: Ki pulit jong ka jylla Meghalaya ha dien ba ki la ioh ia ka jingtip ba ki nonglute kiba la wad da ki pulit jong ka jylla Assam ki la wan ban rieh tngen ha kane ka nongbah Shillong ki pulit ka jylla ki la pynlong ia ka jingkhynra bad la kem ia ki baroh 6 ngut na Madanryting.
Kine kiba la ioh ban kem da ki pulit ki long u Deepak Thapa (29), Dilbur Ali (24), Rahidul Amin (24), Liakat Ali (42) baroh ki dei na Guwahahti bad ar ngut ki dei kiba dang khynnah.
Na ka liang jong u Superintendent jong ki pulit ba dei peit ia ka nongbah Shillong u Bah Vivek Syiem, u la ong ba ia kine ki briew la ioh na Madanryting bad kawei ka kali bolero kaba don ia u number AS 01 AV 8068 la ioh ban kurup lang na ki.
Ia kine ki briew la kem da ka tand pulit ba kyrpang jong ki pulit ka jylla Meghalaya. Ia kane ka kynhun jong ki nonglute la ialam da u Liakat Ali (42) u ba dei na Barpeta une u briew u la don bun ki dak sinew ha katei ka jylla Assam. Ia kine baroh 6 ngut la wan shim da ki pulit jong ka jylla Assam la ong u SP City.(SP News)
