Shillong, Naitung 01: Ki pulit jong ka jylla Meghalaya ha dien ka jingtrei shitom ka jong ki ki la ioh ban kem ia san ngut ki snar nongtuh kali bad kita ki long u Mithu Sharma, Prakash Purkayastha, Guatum Tati bad Sidharth Thapa.
U Bah Vivek Syiem Additional SP (Crime) haba kren ha ki nongthoh khubor mynta ka sngi u la ong ba dei kane ka kynhun ba ki la tuh ia ka kali Swift Desire kaba don ua u (ML 05 J 8343) na Shillong katba ia u nongniah kane ka kali pat ki la pyniap ha Lumshong ha East Jaintia Hills.
U nongniah ia kane kali Swief la tip kum u Bah Samuel Mawlong. U nongialam jong kane ka kynhun nongtuh la ia lam da u Mithu Sharma la ong u Bah Syiem.
Kane ka kynhun nongtuh ki tuhia ki kali na Meghalaya bad Assam bad ynda ki la ioh ban tuh ki leit rah ia ki sha ka jylla Manipur, Mizoram bad Silchar ban leit die tad ia ki .na kine ki nongtuh ki pulit ki la ioh ban kurup T 25,000/- tyngka bad shibun ki mobile. Ia u Mithu Sharma la thwet ruh da ki pulit jong ka jylla Assam.(SP News)
