Shillong, Naiwieng 14: Ki pulit jong ka jylla Meghalaya kila ioh ia ka jingpyntip na ki pulit jong ka jylla Assam ba kala don ka jingmaham kaba la phah da ka SMS sha kawei na ki lad pathai khubor ka Newslives ha Guwahati ba kan don ka jingbethei bomb ha ka jingialang ki myntri rangbah ha Guwahati.
Na ka liang jong ki pulit ka jylla Meghalaya ha dien ba ki la ioh ia kane ka jingpyntip bad ki la wad ia number kumba la phah na Assam ba dki lap ba kane ka dei ka number kaba la register ha Meghalaya bad haba ki la thwet ka number 9856930587 ka dei kaba na Rynjah.
Ki pulit jong ka jylla Meghalaya kila kem ia u briew ba don ia kane ka numbor mobile bad une u ba shah kem la tip kyrteng kum u Khajin Haloi 38 snem na ka shong Korailinghat jong ka Nalbari District na ka jylla Assam. Ia ka phone ba phah ia ka SMS ruh la ioh ban kurup lang. (SP News)
