Shillong, Jylliew 21: Ki pulit jong ka jylla Meghalaya mynta ka sngi ki la kem ia u wei u briew u ba la tip kyrteng kum u Md Bulbul Islam na khyndai lad ha dien ba ki la bud dien la slem bha ia ka iaid ka iing ka jong u ha kane ka nongbah Shillong.
Ha dien ba la kem ia u Bulbul na ka liang jong ki pulit ki la tohkit bad u la phla ba u dei na Pratappur Goiinghat jong ka Shyllet District jong ka ri Bangladesh. Ki pulit kila kem ia u halor ka jingsuba ba u dei u nwei na ki nongpyniaid iew ia ka pisa thok ha kane ka dong shatei lam mih ngi jong ka Ri India.
Naka met jong u ki pulit ki la ioh ban kurup kawei ka mobile, saw tylli ki sim card kiba na India ia kaba u la ioh na ka jylla Kashmir bad ar tylli ki sim card Bangladesh. Na ka liang jong ki pulit ki dang tohkit mynta ban tip shuh shuh ba ioh u don ka jingiadei bad ki leh noh ka dong shatei lam mih ngi jong ka Ri India.(SP News)
