Shillong, Rymphang 25: Ki pulit jong ka jylla Meghalaya mynta ka sngi ki la leit ban khynra ia ka jaka kaba la tip kum ka Asanang kaba hap hapoh jong ka West GaroHills, ha kane ka jingleit khynra kila ioh ban kem san ngut ki lehnoh kiba la suba ba ki dei ki dkhot jong ka seng ASAK.
Kine ki lehnoh kiba la shah kem la tip kyrteng kum u Amol D Sangma (23), Chouky R Marak (13), Jaseng R Marak (24), Smajin Momin (24) and Smikeng M Sangma (15). Kaba la pynlyngoh ka long ba na kitei kiba shah kem ar ngut ki dang dei ki khynnah rit.
Na kine ki briew kiba la suba ba ki dei ki dkhot jong ka seng ASAK la suba jur ba ki dei ki dkhot jong ka seng lehnoh kaba dang shu mih thymmai. Na ka liang jong ki pulit ki dang pynlong ia ka jingthohkit.(SP News)
