Tura, nailar 06: Ki pulit jong ka West GaroHills mynta ka sngi ha dien ba ki la ioh ia ka jingtip kaba thikna ba ki don ki lehnoh kiba iaid hapoh jong ka sor Tura, ki la pynap shrip kylleng bad ha kane ka jingpynap shrip ki la ioh ban kem ar ngut ki lehnoh jong ka seng GNLA na Chanmari.
Kine ki ar ngut ki dkhot jong ka GNLA la tip kyrteng kum u Sengsan R marak bad u Sentone K marak baroh ar ngut ki dei na Resubelpara. Na kine ki briew ki pulit ki la ioh ban kurup kawei ka wireless set, kawei ka pistol, kawei ka magazine bad ki shithi dawa pisa.
Kine ki ar ngut ki lehnoh jong ka seng GNLA mynta ki dang don ha kti jong ki pulit ban tohkit ia ka ei kaba ki kthmu ban leh. Na ka liang jong ki pulit mynta kila kham pynjur kajingpahara na ka daw ba ka jinglehkmen Independence Day ka la hajan.(SP News)
