Shillong, Naiwieng 28: Ki Sipai iada khappud ha dien ba ki la ioh ia ka jingtip kaba thikna ki la ap ktem bha ha Purakhasia ha West garo Hills bad ha kane ka jingap shitom ki la ioh ban kem ia u Tariq Hosan Sarkar Muttakin u ba dang 17 snem ka rta ha kaba la ioh haduh T.24000 /- ka pisa thok na u tei u briew.
Katkum ka jingthohkit jong ki BSF ki la ong ba utei u briew u la iathuh ba ia katei ka pisa la mang ban pynrung ha ki iew kihat jong ka Ri India. Kane ka jingioh kem jong ki BSF ka long ha dien ba ki la peit husiar bha ia ka jingleit jingwan jong ki briew ha ki thain khappud.
Ha kawei pat ka jaka ia kaba la tip kum ka Tuka kaba hap hapoh East Khasi Hills ki shipai BSF ki la ioh ban kurp haduh 12 tylli ki masi ia kaba la thmu ban pynrung sha Bangladesh. Kine ki masi kiba la ioh ban kurup ki shong haduh T.69000/- tyngka.
Ha kane ka jingjia ha Tuka na ka liang jong ki BSF kim shym la ioh kem ia ki briew kiba leh ia kane ka kam namar ka jaka ka dei kaba long khlaw ha kaba ka surok kam don ba kin beh na ka jinglong rait jong ka jaka ki briew kiba thmu ban shallan ia kine ki masi ki la ioh ban phet krad.
Haba ia dei bad ki tiar kaba ki la ioh ban kem na ka liang jong ki BSF ki la aiti sha ki bor jong ka ain ban leh ia kaba don kam namar ka kam jong ki ka long tang ban kem bad ban pynshitom ka shong ha ki bor jong ka ain.(SP News)
