Shillong, Rymphang 19:Ka Elekshon na bynta ban jied ia ki nongmihkhmat sha ka Iing Dorbar jong ka Khasi Hills Autonamous District Council (KHADC) ka long sa tang hadien khyndiat sngi bad ki kyrtong bapher bapher ki la iaid shakhmat na bynta ban khwai bad khroh ia ki briew ban rah ia ka jingjop.
Ha kane kynti u Sing ula sdang kyrhuh jam ha Jirang Konstitwensi hadien ba ula jah da ki phew snem, ka HSPDP ka la sei ia ka longkmie ka Kong Nosi Lyngdoh kum ka kyrtong na Jirang Konstitwensi, kaba la iaid kylleng ki jaka ha Jirang bad kumjuh ha ki thain GS Road ban pynithuh ia lade bad kumjuh ban pan jingkyrshan na ki paidbah ka don jingkyrmen ban poi sha ka jingjop ha kane elekshon MDC ka ban long ha ka 24 tarik mynta u bnai.
Katkum ka khubor ba la iohlum da u Nongthoh Khubor na ki san ngut ki kyrtong kiba la paw ban ia ai reng kynthup ia ka HSPDP, Congress, UDP, KHNAM bad u kyrtong Shimet (Independence) kiba kham paw ki dei tang ka HSPDP bad Congress.
Kumba long haudh mynta, ka lyer sha Jirang konstitwensi ka kham beh sha ka Kong Nosi Lyngdoh kyrtong ka HSPDP namar ba ka kane ka longkmie ka ioh ka jingkyrshan na ki riew rangbah bad khamtam ki seng longkmie kiba la pynpaw ba ki kwah shisha ban wanrah ia ka jingkylla ha Jirang Konsttwensi ban ioh da ka longkmie kum ka Nongmihkhmat paidbah sha District Council.
Kumta, kane ka jingangnud ki paidbah ka lah ban urlong ha kane ka kynti ban ioh da ka longkmie kum ka Nongmihkhmat paidbah kaba kiwei ki konstitwensi ki la dep iaid shakhmat.(SP News)
