Nongpoh Lber 29: Ka seng trei mon sngewbha na Ri Bhoi District mynta ka sngi ka la leit ban khang ia ka bnak jong ka SBI kaba don ha Nongpoh ka jingkhang ka long ba kane ka bank ka plie wat ha kane ka sngi Good Friday kaba ki khrsitan ki niew ia kum ka sngi kaba kyntang tam.
U Bah David Kharnaior General Secretary jong ka seng u la ong ba ki bor ba dei peit ki la dei ban burom ia ka jingsngew jong ki paidbah nongshong shnong jong kane ka Jylla Meghalaya ha kaba kiba bun ki dei ki khristan.
Kumba ki khrsitan ki burom ia kiwei ki jaid niam ha kaba ki leh kmen kum ka Holi, Puja bad kiwei kiwei ki bor ba dei peit ia ka state bank ruh ki dei ban sngewthuh ym tang ba ka dei ka Financial year ki lah ban leh katba ki sngewbit ma ki khlem da khien ia ka jingsngew jong ki paidbah ha kane ka thaiñ.
Na ka liang jong ka seng kam don jingpyrshah iano iano hynrei ka leit ban khang ia katei ka bank tang na ka bynta ba ki plie ha kane ka sngi ba khraw jong ki khristan, haba ka sorkar Jylla ruh ka la ai shuti ha kane ka sngi balei kane ka bnak ka leh khyllah kam burom ia ka jingleh niam jong ki khristan.(SP News)
