Shillong, Naitung 20: Ka jingpynrung kam shipai ia ki samla kane ka dong shatei lam mih ngi jong ka Ri India ka la sdang mynta ka sngi ha Madan poloha kaba u Lieutenant General RS Panwar u ba dei u GOC jong ka 101 u la khaweh ia ka lama kum ka jingsdang.
Ha kane ka jingpynrung kam shipai kaba la sdang ha kane ka nongbah Shillong , ka la sdang shuwa na ka bynta ka jylla Meghalaya bad kan bteng la shai ka sngi ruh kum juh. Kane ka long ka sien kaba nyngkong ha kaba ki samla jong kane ka jylla ki la iai tuid sha kane ka jingpynrung kam shipai
Katkum jingkhien kaba la lah ban ioh ka long ba baroh ki la leit ban ai kyrteng ka la poi sha ka 1800 ngut ki samla bad kane ka long ka dak ba ki samla kane ka jylla ruh ki la phai khmat sha ka kam shipai kum kawei na kilad ioh kam ioh jam bad ban sngewsarong ba ki dei ki briew jong ka kynhun shipai jong ka Ri India.
Kane ka jingpynrung kam ka long kaba khuid ba suba ha kaba ia ki samla la shim ban peit bniah ia ki kot ki sla ki jingdon kam baroh ha katei ka jaka. Lada ki don kiba khlem ia hap katkum ki kyndon kiba la buh ruh ki ai jingtip noh ha kane ka juh ka jaka.(SP News)
