Nongstoin, jymmang 03: Mynta ka sngi arngut ki khynnah samla kiba dang ha ka rta 17 bad 15 snem kila ngam jyllop ha um bad khlad noh na kane ka sla pyrthei kadaw ka long ba ki dang ia hikai jngi hapoh ka dam jong ka PHE kaba don hapoh shnong Mawrusyiar.
Ka kyrteng jong ki tei ki arngut ki khynnah ki long u Endroklis Nonglang 17 snem ka rta naka shnong Langja Kyrdum bad u Banshanbor Lyngkhoi 15 snem ka rta naka shnong Phodumbah Rambrai.
Kat kum ka tyllong khubor ba la ioh lum mynta ka sngi la ong ba kitei ki khynnah samla kidei kiba sah wai hapoh shnong Tiehsaw namar baroh ar ngut ki dang leit skul bab kidei ki khynnah skul jong ka KJP Synod sepngi kiba dang shong haka klass IX bad Klas XII.
La iathuh ruh ba katei ka jingjia kala jia haka por kumba 12 baje myn sngi ha kaba baroh ar ngut ki dang ia hikai jngi kumta kyndit utei u Endroklis ula ngam jyllop nyngkong ha kaba u Banshanbor ula ialeh ban pyllait im hynrei umlah kumta kila ngam syndon baroh arngut.
Ki Kynthei kiba dang saitjain mar jan bad katei ka jaka jngi kila ia hylla briew hynrei ym myntoi shuh namar ba kila dep ban iap jyllop lypa, nakaliang jong ki bor shnong ryngkat ki pulit jong ka Fire and Emergency service kila ialeh ban khwai noh ia katei ka met hynrei namar u slap bad ka jing heh jong ka um kim shym la ioh haka por kaba biang hynrei dei tad haka por 6 baje janmiet ba ki sa ioh ban khwai ia kitei ki met iap jong kitei ki samla.(SP News)
