Shillong, Risaw 26: U Vikash Nandwal u wei na ki nongkhaii ha kane ka nongbah Shillong u ba la shah thang ha ki briew kiba ym lah ban ithuh ha ka dunkan jong u ha Mophran mynta u bnai u la khlad noh mynta ka sngi ha kawei na ki hospital ha ka nongbah New Delhi.
Kum ka dak jong ka jingsngewlem halor ka jingkhlad noh jong u Vikash Nandwal mynta ka sngi ha ka por kumba 7 baje jan miet kan don ka jingduwai thang mombati ha khyndailad ban pynpaw ia ka jingsngewlem ha kaba ia dei bad kane ka jingjia.
Haba ia dei bad katei ka jingjia na ka liang jong ki pulit ki la dep kem ar ngut ki nongialam jong ka KSU, U samla Wankerlang Jyrwa bad u samla Badonkupar Nongbri kine ki dei na Lower Mawprem.
Na ka liang jong u myntri rangbah ka jylla ha dien jong katei ka jingjia u la pynbna paidbah ba ka sorkar kan pynlut ia ka jingsumar na ka bynta jong u Vikash. La ong ban a ka liang jong ka sorkar kan leh da kaba tyngeh ia ki briew kiba shim ia ka ain ha ka kti.(SP News)
