Shillong, Nailur 07: Mynta ka sngi ki briew jong ka NEEPCO Private Limited katba ki dang iaid lynti ban leit sha Thiedieng da kaba iaid kjat na Mawsynram yn da poi ha pynnoh riat jong ka shnong thiedieng u la btuid bad u la hap sha riat.
Ki para ba ia leit lang ki rah ia u wut wut sha Mawsynram CHC hynrei na ka daw jong ka jingjur palat jong ka jingmynsaw u Manoj Kumar u ophisar jong katei ka ophis jong ka sorkar pdeng u la khlad noh ha katei ka jaka ai jingsumar jong ka sorkar.
Katkum ki lad khubor kiba la ioh la ong ba kine ki briew jong ka NEEPCO ki thmu ban leit sha Mawphu ka jaka ba ki pyntrei ia ka bording eletrik ha ka wah Umngi hynrei ha katei ka jingleit ka la wan lap noh kane ka jingjia kaba sngewsih.(SP News)
