Shillong, Nailur 24: U Deputy Commissioner jong ka East Khasi Hills ym shym la ai jingbit ia ki seng kyhthei ka CSWO bad ka KWWADA ba kin pynlong ia ka jingiakhih shong kyllain mungor ha jaka ieng kali ha jan Additional Secretarait, ha ka jaka kaba ki don ki heh sorkar bad ki nongmih khmat paidbah ki shnong.
Ha ka kyrwoh kaba la phah da kitei ki ar tylli ki seng ki la ong ba mynta na ka liang jong ki kin sngap ia ka sur jong u paidbah ym ha kine ki ophisar kiba dei kane ka sorkar synsahr lehbor. Na kane ka la paw shai kdar ba kin nym lah ban pynlong ia kane ka jingiakhih kaba jai jai ha katei ka jaka la long ka kyrwoh na kitei ki seng.
Wat la na ka liang jong u Deputy Commissioner ym shym la ai jingbit ba kin pynlong ia kane ka jingiakhih ha katei ka jaka hynrei na ka liang jong ka KWWADA bad ka CSWO ki la rai ban tur beit ha kane ka jaka ban pynlong ia kane ka jingiakhih kaba jai jai, lada ka sorkar kam shah ha katei ka jaka ka dei ban ai ha State Central library.
Na ka liang jong kitei ki nongialam kitei ki ar tylli kis eng ki ong ba ki shakri sorkar kum shym la long trai ia katei ka jaka la shna ia ka na ka pisa paidbah. Haba ki kwah ban wan sha khmat ban pynpaw ia ka jingdawa ka jong ki ai ki paidbah kim shim ia ka rai la shai ka sngi, la pynkut ka kyrwoh.(SP News)
