Shillong, Jylliew 07: U Lat ka jylla Meghalaya u Ranjit Shekhar Mooshahary ym shym la ai kano kano ka jubab kaba shai kdar ha kaba ia dei bad ka jingeh kaba la mih hapoh jong ka CMJ University, ha ka jingiakynduh ba ki dkhot ka KSU Mynta ka sngi ha Raj Bhavan.
Haba kren ha ki nongthoh khubor u Bah Daniel Khyriem ha dien ba la dep ban ia kren bad u Lat jong ka jylla u la ong ban a ka liang jong u Lat ym shym la ai kano kano ka jubab kaba shai kdar hynrei u laong bay n sa iakren bad kiwei ki University ban pynrung ia ki khynnah jong kane ka CMJ Univeristy.
Ha kajuh ka porn a ka liang jong u Lat ka jylla u la ong ba ia kane ka kam ym sa ia kren bad u myntri ka sorkar pdeng u ba don ha kane ka nongbah Shillong mynta ban pynbeit ia kine ki kam.
Ha kane ka jingiakynduh ia u Lat ka jylla na kaliang jong ka KSU ka la ong ba ka sorkar ka dei ban peitngor bha ia kine ki private University kiba don ha kane ka jylla ba ioh ki long lang kumba long ka CMJ University.
Ka jingsngewkhia na ka liang jong ka KSU ka long ba kane ka jingjia ioh ka ktah wat ia ka nam ka burom jong ka North Eastern Hills University. Ka sorkar ka dei ban peitngor bha ba kan dei ban ktah ia ka kyrdan jong ka pule puthi.
Na ka liang jong ka KSU ka la ong ba lada ioh ban pynrung ia kine ki samla sha kiwei ki University lada kajia biang kumba ka long ha CMJ University mano ban shim ka jingkit khlieh la buh jngkylli ka KSU.
Na ka liang jong ki samla pule jong katei ka University kiba la ia leit lang ban ia kynduh ia u Lat ka jylla na ka liang jong u Jitu Dutta u la ong ba kaneka jingjia ka la ktah ia ki bad ia ki kmie ki kpa jong ki ba ia ka lawei ka jong ki.
U Thia Jamir u ba la ia don lang ha kane ka jingiakynduh ia u Lat ka jylla u la ong ban a ka liang jong u Lat u la ong ba lada ka CMJ University ka phah ia ka kyrteng jong u chancellors ban thung ha kane ka University ia kito ki degree kiba la dep ai mynshuwa dang lah ban pynim biangia ki hynrei haduh mynta ka sngi kam shym don kano kano ka jingphah kyrteng na ka liang jong ka University.(SP News)
