Shillong, Kyllalyngkot 04: Ka seng CSWO ka la pynpaw ia ka jingsngew kyndit ba kumno u OC jong ka Mawryngkneng, u Bah Ekwin Pala u la ioh jamin khlem da leit ban mih sha iing bishar tang namar ba u la kyllon iapler ha khmat jong ki pulit bad rah ia u sha ICU.
Ka CSWO ka buh ka jingkylli balei ki pulit kim shym la ia khun pyrshah ia kane ka jingpan jamin, kane ka dei ka jingtlot jong ka sorkar, balei ki pulit ki shim ia ka por ban kem ia ki briew kiba don bor katba ia kiba tlot bor la leit ban kem ia ki tang halor ka jingsuba.
Ka jingleh suki jong ki pulit ha kaba ia dei bad ki briew kiba don bor kala paw na ka por sha ka por la ong ka CSWO bad ia ki bar it barai pat la kem bad set ia ki katba ki mon tang namar ka jingsuba khlem da lap ia ki jingshisha.
Na ka liang jong ka CSWO ka dawa ba ki pulit bad ki muktiar jong ka sorkar kim dei ban leh arsap kane ka jingleh ka jong ki kala pynduh jingshaniah ia ki paidbah ha ka bor jong ka ain la ong ka seng CSWO.(SP News)
