Shillong Jylliew 24: Ka jingialang kaba la buh ban long mynta ka sngi ban ia kren halor kajingiakjia pud hapdeng ka jylla Meghalaya bad Assam la hap ban pynsangeh noh na kid aw kiba u chief secretary jong ka jylla Assam u la hap ban leit noh kyrkieh namar ki don ki kam kiba ym lah ban kiar ha Assam.
U Chief Secretary ka jylla Assam Nobo Kumar Das ha dien ba u la mih na ka karma jong u Chief Secretary u la ong ba ka jingialang kaba la long mynta ka sngi hapdeng ki ar ngut ki chief secretary ki la ia kren tang ia ka wei ka bynta kata ka dei ka Joint Cadres hapdeng ka jylla Meghalaya bad ka jylla Assam.
Na ka liang jong u Chief Secretary ka jylla Meghalaya u Bah WMS Pariat haba kren ha ki nongthoh khubor u la ong ba la buh ban ia kren mynta ka sngi ia ka jingiakajia pud hapdeng kine ki ar tylli ki jylla hynrei kim shym la ioh ban ia kren na ka daw ba u chief secretary jong kajylla Assam u lahp ban leit phai kyrkieh noh sha Assam na kid aw kiba ym lah ban kiar.
Ia ka jingialang kaba la buh ban long mynta ka sngi la hap ban buh teng noh kaba ki la ia kren mynta ka sngi ka long tang ia ka joint cadres, kane ka dei ka jingialang kaba ki juh pynlong ha ka shisien shi snem.(SP News)
