Shillong, Rymphang 20 :Ka Synjuk Nongsynshar Shnong Maweit Area (SNSMA) lyngba u President bah Orius Thongni bad u Secretary bah S Langrin ki la pynpaw ia ka jinglyngngoh halor ka Khubor kaba ong ba ka Synjuk ryngkat bad ki seng bhalang ka la shim ia ka rai ban boy-cut ne kyntait iashim bynta ka ban thep vote ha ka elekshon MDC & MP mynta ka snem 2014, kaba kynthup ruh ia ki phra tylli ki Polling Station ha ka thain Maweit, West Khasi Hills.
Haba kren bad u Nongthoh Khubor mynta ka janmiet, u President ka Synuuk u Bah Thongni ula pynshai ba kam shym la don kano kano ka jingiakren ban rai boy-cut ia ka elekshon bad ka ka synjuk pynshai ba kam don bynta ha katei ka jingialang ba la pynlong ha katei ka sngi.
“Ki nongialam jong ka synjuk kynthup u Secretary, bah S Langrin bad u Nongaibuit bah T Tyrsa, ki sordar bad ki rangbah shnong ba kynthup haduh 55 tylli ki shong ha katei ka thain kim don jingtip eiei ia katei ka Khubor ban boy-cut elekshon MDC,” ula ong bad bynrap ba kat haduh mynta kam pat don kano kano ka rai ba ka synjuk ka la shim na bynta ka elekshon MDC & MP.
Kumta, halor katei ka khubor ban boy-cut ia ka elekshon MDC & MP ka synjuk ka pynshai ba kam don bynta eiei, ula bynrap. (SP News)
