Shillong, Rymphang 21: Ha ka jingialang ha Congress ha Khlieh Umstem Village hapoh ka Umroi MDC Constituency u Bah John F Kharshiing, u la wer la khot bad ai khublei ia ka Congress, UDP, HSPDP, KHNAM bad kiwei ban iai bteng ia jingiatrei lang kaba ki la ia buh nongrim mynta la san snem lyngba ka kynhun KHUDA hapoh District Council, KHADC bad u la iai khmih lynti ba kin iatrei lang hapoh ka District Council hadien ba la dep niew vote ha ka 27th Feb 2014.
U la ong kane ka nuksa kaba la lam khmat da ka Seng Congress ban ia trei lang ka long katkum ka nongrim Dorbar u Khasi ha kaba ym don ruling ym don opposition hynrei ka don tang kawei ka thong bad kata ka long ban trei na ka bynta u paidbah bad ka jaidbynriew rit paid
Kumta u la khot ia ki paidbah ban jied bad pynjop donburom ia u Bah Albinus Lyngdoh, u kyrtong MDC na ka seng Congress na ka Umroi. Ha katei ka meeting la ioh jingkren na u bah Ngaitlang Dhar, MLA Umroi, kynthup kiba bun ki rangbah nongkyrshan kiba la rai da kawei ka jingmut ban ai ka jingjop ia ka seng Congress.(SP News)
