Shillong, Nohprah 22: U myntri rangbah ka jylla u Dr Mukul Sangma mynta ka sngi u la phah ia ka khubor sha ki seng bhalang kiba ia khih ban dawa ia ka ILP ban pyntrei kam ha kane ka jylla ba na ka liang jong ka sorkar ka kloi ban ia kren bad ki halor ka jingwantuid jong ki briew kiba na bar ha kane ka jylla bad la buh ia ka por ba kin ia kren ha ka 15 tarik jong u bnai kyllalyngkot jong u snem ban wan.
Ka myntri kam poh iing haba kren ha u SP News Agency ka la pynthikna ba ka dei kaba shi sha ba u myntri rangbah ka jylla u la khot ia kren ia ki nongialam jong ki seng bhalang ban ia kynduh ha ka 15 tarik jong u bnai kyllalyngkot u snem ban wan ban ia kren halor ka phangkumno ban teh la kam ia ka jignwan tuid ki briew sha kane ka jylla.
Ia kane ka khubor ba u mytnri rangbah u khot ia ki sha ka jingiakren la phah mynta ka sngi, la ong ba na ka liang jong ka sorkar ka kloi ban ia kren bad ban wad ia ki lad ki lynti kumno ban teh la kam ia ka jingwan tuid jong ki briew kiba na bar sha kane ka jylla.
Ka jylla ha kine ki lai bnai kiba la leit ka la mad ia shibun ki jingiakhih ki pakhang shnong bad ki jingduh ha kiba bun ki liang wat ki mynsiem briew ruh ki la duh ei ha kine ki jigniakhih kiba la jia ha kine ki bnai kiba la dep.
Ka jingduh nong kam dei tang ia ka sorkar hynrei wat ki paidbah ruh ki la duh nong ha ka liang ka kamai ka juh bad ha kiwei kiwei ki bynta. (SP News)
