Tura, Nailur 11: ka kynhun Garo Hills State Movement Committee (GHSMC) mynta ka sngi ka la khot ia ka pakhang shnong kaba khlem buh por ha baroh kawei ka Garo Hills ban dawa na ka sorkar ba ka dei ban pynlait ia ki 13 ngut ki dkhot kiba la shah kem mynta ka sngi.
Kane ka kynhun GHSMC kaba la ialam da u myntri barim jong ka sorkar Meghalaya u Augustine D Marak ki la shim ia kane ka rai ba kane ka pakhang shnong kaba khlem buh por kan sdang naduh la shai ka sngi.
Kane ka Pakhang shnong kan iai bteng katba ki bor jong ka sorkar kim pat pynlait ia kitei ki 13 ngut kiba la shah kem kynthup ia u tei u nongialam u Augustine. Ka GHSMC kan weng ia kane ka pakhang shnong tad haduh ba ka sorkar kan pynlait ia ki khlem dab uh kyndon.(SP News)
