Jowai, Naiwieng 27: Ka Khasi Students’ Union Jaintia Hills District ka khot bad wer iabaroh ki paid u Hynniewtrep ban iawan shaka jingialang paidbah (PublicMeeting) ka ban sa long haka sngi saitjain (30/11/2013) ha kaba ia kajaka yn pynbna kham hadien.
‘Ngi khot ngi wer ia baroh ki paradoh parasnam ban iamih paidbah shakatei ka jingialang naka bynta ban dawa jur naka sorkar MUA II ban pyntreikam iaka ILP’ la ong u samla Streamly S Niangti General Secy kaKSU JHDU.
Ka Issue ban dawa ILP kamdei tang naka bynta ka jingmyntoi shimet jongno jong no hynrei ka dei ka jingmyntoi jong baroh lang ki paid uhynniewtrep kumta kum ki paradoh parasnam kimdei ban bynnud iakajingduh batang shisngi jong ki, hynrei ki dei ban iamih lang khrui hakatei ka sngi khnang baka sorkar kan kyndit bynriew’ ula ong shuhshuh.
Ka Seng ka khot lang ruh ia baroh sha katei ka jingialang naduh kikhynnah, ki samla, ki senglongkmie, ki nongtrei sorkar bad kymjuhiaki sengbhalang ki bymdon haka kynhun ki 14 seng ruh ban pyllait iaka por ba kordor jong ki sha katei ka jingialang ha katei ka sngi.
Ka seng ka pynrem jur iaka jingsngap mynthi bad leh kyllut kinongmihkhmat paidbah khamtam iaki nongmih khmat napoh Jaintia kibymkren eiei halor ka ILP watla ka long tang maka kaba dei ka ain kaba tehlakam iaka jingrung kyrthlep ki mynder Ri ruh hynrei ki sngap bianbian khlem nud saham eiei ruh.
‘Ka jingsngap jar ki nongmìhkhmat napoh Jaintia halor ka ILP, ka pyniba ki sngewkham kordor iaka shuki ban iaka jaitbynriew’ la ong u samlaNiangti. Khatduh ka Seng ka kyntu ia ki paradoh parasnam baroh ban iamihkhlempep hakatei ka sngi naba kadei naka bynta ban rai iaka iap ka imka jaitbynriew.(SP News)
