Shillong Naitung 11: Ki seng bhalang kiba kynthup ia ka KSU, FKJGP, CSWO, KWADA, HNYF, TUR lem bad kiwei ki la khot ia ka myntri pynroi sor ka kong Ampareen Lyngdoh ban ia tai nia ha khmat jong ki paidbah halor ka New Shillong Township bad ki da ong ba ai ka myntri kan pynbeit ia ka jaka.
Na ka liang jong kitei ki seng bhalang ki kynnoh ba ka myntri haduh mynta ka dang kulmar jingmud ia kane ka phang bad ka shu pynksan jubor ia kaei kaba ka kren ki la kynnoh. Na ka liang jong ki seng bhalang kila ong “ Ngi ieng skhem ban pyrshah ia katei ka jingthmu jong ka kaba long pyrshah ia ki paidbah.
Kane ka jingleh jong ka myntri bad ka sorkar ka pynkhien ia ki kyndon baroh ha kaba ia dei bad ka rukom bat khyndew bat shyiap, kum ki seng bhalang kinnym ai lada ban pynlong maraw ha ka kyrteng jong ka Roi ka par.
Na ka liang jong ki seng bhalang ki da kyntu ia ka myntri ka tnad kam pynroi sor bad ia u ne ka commissioner secretary bad kiwei ki heh sorkar ba kin wan sha ka jingiatai niaha khmat jong ki paidbah ban ioh ia ka jingshai kaba u paidbah u don kam ban tip ha kaba ia dei bad ka New Shillong Township.
Naka liang jong ki seng bhalang ki ong ba lada ka sorkar ka long khuid halor kane ka jingthmu ban tei ia ka new shillong township kan nym kyntait ban wan sha ka jingiatai nia ha khmat jong ki paidbah ban iashai ia kane ka kam.(SP News)
