Shillong, Naiwieng 09: La donkam ia ki bor KHADC ban shim khia ban pynsted ia ki RULE jong baroh ki 53 Hima…. ka jingbym ithuh ka Ain Indian Registration Act 1908, ia ki dulir Hima – bad namar ba duna bad tlot thaw ain na ka liang ki District Council ka pynlong ia ki khun ki hajar ban ia kiew iing lieh iing saw.
Ka jingjia dang shen ha Mawdiangdiang, bad ki jingiakhih halor ka New Shillong, ka buh ia ka jingkylli hangno bad mano (Hima ne KHADC ne Deputy Commissioner -Registrar ) ba dei ka bor katkum ka Riti ka Dustur ban register ia ka khyndew ka shiap. Hato kitei ki bor ki buh ryntih ia ki khot ki dulir kiba ka office jong ki ka Register.
Haduh kine ki sngi mangi baroh ngi register ia ka khyndew ka shiap tang hapoh ka office jong ka Dorbar U Syiem. Dei tang kiba kwah ban shim ram, lane kiba kwah ban buh bynda ha ki Bank kaba pynlong ia ki paidbah ban leit register hapoh ka office jong u Deputy Commissioner (Registrar).
Sa shisien ngi phai khmat sha ka nuksa kaba don hapoh ka Hima Nongstoin, bad Hima Maharam ha kaba ki bor Khasi Hills Autonomous District Council (KHADC) ki la mynjur bad thaw ha u snem 2006 bad 2009 ia ka ain kaba shai kdar ha kaba shit ka sngi – Ka The Administration of Nongstoin Syiemship Rules, 2006 bad The Maharam Syiemship (Administration ) Rules 2009 bad la kdew bad batai shai ha Nongstoin Rules ka Section 11-RIGHTS FOR REGISTRATION (I) The Syiem and his Durbar shall have the right to register land or to issue a Non-encumbrance Certificate /Land holding Certificate or patta to the landowner in maccordance with the prevailing customs and usages of the Syiemship. In this regard a Record of Rights will be maintained in the office of the Syiem.
(ii) No registration of land or any immovable property shall be granted by any authority without a No Objection or a land Registration from the Syiem and his Durbar.
(iii) Evaluation of Registration of land shall be as follows :- (a) for the record of right only, the evaluation shall be done by the land owners himself/herself or as prescribed by the Syiem and his Dorbar.
(b) The Registration of Land and Record of right meant for some other purposes, the evaluation of land shall be done as per the prescribed rate by the office of the Syiemship.
Ki juh kitei ki kyndon ki paw ha ka The Maharam Syiemship (Administration ) Rules 2009 Section 9. Land Administration : – ki juh ki kyndon kum jong ka Hima Nongstoin Administration Rules..
Kitei khyndiat ki long ki jingbatai halor ki rukom register ia ka khyndew ka shiap hapoh ka Hima Nongstoin bad lah ban ong ba kitei ki Riti Dustur ki jan ia syriem hapoh ka bri Hynniewtrep. Katno ka long kaba kyrkieh ban pynjari ia kitei ki Rule hapoh ka Hima Mylliem – ha kaba ki mih ki mokutduma ha kiba bun ki liang – naduh ki jingeh bad ki shipai bad kiwei kiwei ki bor Sorkar.
Ka jingkylli mynta ka mih balei hadien 61 snem ka jingioh ia ka KHADC bad hadien 41 snem ba ioh jylla Meghalaya ngi dang don ha ka jingdum halor ka jinglong trai halor ka khyndew ka shiap.
Ngi kyntu jur ia ki bor KHADC ban khot kyrkieh ia ka Special Session ban mynjur bad ban pynjari ia ki Rule jong kawei pa kawei ka Hima na ka bynta ka suk ka sain jong u khun u hajar hapoh kane ka Ri Khasi Jaintia.
Ka long ruh kaba donkam ia ki bor KHADC ban khot KYRKIEH ka jingialang hapdeng ki Deputy Commissioner, ha ryngkat u Commissioner & Secretary, District Council Affairs, Govt of Meghalaya, u Commissioner & Secretary Law, Govt of Meghalaya, u Advocate General, Addl Advocate General, Govt of Meghalaya, bad u Standing Counsel, KHADC, ban ia syllok bad ba kin sngewthuh jingmut halor ki rukom ithuh bad register ia ki 16 tylli ki jait khyndew hapoh ka Ri Khasi.(SP News)
