Shillong, Naitung 15: Ka seng Ri Bhoi Youth Federation (RBYF) kala khot iaka pakhang ophis kaba ar sngi lynter ha ka 18 bad 19 tarik mynta u bnai bad ha ka por miet pat kan long da ka pakhang surok miet naduh ka por 8 baje mynmiet haduh ka por 5 baje mynstep.
Kane ka jingkhot jong ka RBYF ia kane ka pakhang ophis bad Pakhang surok miet ka long namar kane ka sorkar Meghalaya kam shym la sngap ia ka jingdawa ka jong ki ba ka tnad pynroi sorkar ka dei ban thung biang ia ki ar ngut ki briew kiba ka la weng noh noh ia kiba la trei ha Byrnihat hapoh jong ka MUDA.
Ha ka juh ka por na ka liang jong ka RBYF ka dawa ba ka sorkar ka dei ban pynlait noh ia u Genenral Secretary jong ka seng u ba dei na ka unit Nongpoh khlem da don kano kano ka jingteh kyndon, kane ka long katkum ka jingpynliat khubor jong ka seng mynta ka miet.(SP News)
