Jowai, Jylliew 20: Kum ka jingpynkhreh iaka MDC election ka ban long ha u snem 2014, na ka liang jong u Deputy Commissioner jong ka West Jiantia Hills District u Bah P Dkhar mynta ka sngi u la khot ia ka jingialang jong ka seng sain pyrthei baroh kiba don hapoh ka Distict ban ia kren.
Ha kane ka jingialang ka la don ka jingiaphylliew jingmud ba kumno ban pynsuk ia ki paidbah nongthep vote da kaba pybun shuh shuh ia ki polling station katkum ki kyndon kiba la buh da ka Election Commission.
Ka kyndon kaba nyngkong kaba la buh da ka Election Commission ka long ba ki jaka thep vote kiba la don palat ia ka 1000 vote la dei ban pynioh noh ar tylli ki polling station. Lane ban phiah noh ia ki kawei tang na ka bynta ki kynthei bad kawei tang na ka bynta ki shynrang.
Ki seng sain pyrthei kiba la poi sha kane ka jingialang ki long na ka HSPDP la mih khmat da u Bah H B Dann , na ka UDP la Mih khmat da u Bah Sing mulieh bad ki don kiba la wan na ka NIC, NPP.SP News)
