Mawphlang, Risaw 29: Ki ksiew jong u Captain Hump ki la kreh ban pynneh pynsah biang ia ka matti jong u kap ieit tynmen jong ki, ban pynim biang ia ka jaka shna wine ha Mawphlang ia kaba la tip kum ka Cherry Brandy ia kaba la sdang ha shuwa jong u snem 1947.
U Bah Alest Nongdhar u khun ksiew jong u Captain Hump haba kren ha u SP News Agency u la ong ba ki da thrang dik dik ban pynneh pynsah ia ki matti jong u kpa ieit jong ki namar kane ka wine kaba la pynmih na u Sohiong ka long kaba paw haduh kata kata bad la pyniaid iew ruh iaka haduh kiwei ki ri jong ka pyrthei kum sha Australia.
Ha kine ki snem kiba la dep ha dien ba la ieh teng ia kane ka jaka shna wine khlem da pyndon kam ki la sdang biang hynrei na ki daw kaba kim lah ban kiar ki la hap ban sangeh noh bad kin sa sdang biang shen ia ka. U la ai ka jingiaraoh ia ka tnad rep jong ka sorkar jylla kaba kloi ban iarap.
Ha kawei pat ka liang la iohi ba ka sorkar Meghalaya ka la pynshlur ia nongrep ba kin pynmih ia ki umsoh bad kiwei kiwei ki jingpynmih na ki soh kiba kane ka jylla ka don bun kyrhai, hynrei kumba ka long mynta kine ki jaka pynmih umsoh kiba dei na kane ka jylla kim lah ban ia kop ha iew bad kiwei ki kompany kiba wan na sha bar ka jylla.
U Bah Michel Syiem u rangbah ba la juh trei shitom ban pynlong ia ka Wine Festival ha kane ka sor Shillong ban pynsngewthuh ia ka sorkar ba ka dei ban shah ia ki briew ban kin shna ia ka wine na ki soh kiba mih na kane ka jylla, hyrei ia mynta hi ha ka sorkar kam pat ithuh ia kane ka jingle jong u tei u rangbah.
Haba kren ha u SP News Agency u la ong ba haduh mynta ka sorkar ka dang niew beain ia kane ka kam bad haba ki pynlong ia kane ka wine festival ruh ki hap ban da ioh da ka jingbit na ka sorkar bad kata ruh ka long tang shisngi. Haba jubab ia ki jing kylli la ong ba kila ia kren bad ka sorkar bad ka jubab kaba ki ioh ba ka sorkar ka dang pynkhreh mynta ban ithuh noh ia kane ka jingshna wine na ki soh.(SP News)
I think the heading should be " Cherry Brandy"