Shillong, Naiwieng 04: Ka tamasa synrai ia ia kaba la pynlong da ka MTDF ha Umiam ka la kut hapdeng ka jingiaphuh iphing ha kaba ki jingbam tynrai jong ka jylla ka la khring ia ki nongwan sha kane ka jinglehkmen synrai ha ryngkat ka shad ka kmen bad ka pud ka tem.
U Bah BPO Warjri Additional Chief Secretary ka sorkar jylla haba kren kum u kongsan ha ka sngi plie iaka tamasa synrai ula ong, ki jingbam tynrai kiba ki longshwa ki hikaikumno ban shet bad ban bam kilong kiba kynsai haduh katta namar ba watki briew na kiwei ki ri ki kwah ban mad iaka jingshngiam jong ki.Ki paidbah na kiwei pat ki jylla kim kwah ban mad ia ki jingbam kiba iadei kum kane ka juk mynta kum ki KFC, jingbam na ka Sub-Way.
Ki nongwan kai ha kane ka sngi ki kwah ban mad mad ia ki jingbam tynraikum u pumaloi, putharo, pukhlein bad kiwei ki jingbam ki long kiba lahban khring ia shibun ki riew shang pyrthei bad ym tang ba ki ba ia lade hynrei ki rah ruh ia kane ka khubor sha kiwei pat ki bym pattip ia kine ki jingbam.
Shuh shuh haba kren halor ka jingthmu jongka Meghalaya TourismDevelopment Forum bad ka Meghalaya Tourist ban wanrah iaka jingjyrngamka mariang bad ban wanrah iaka jingkhuid jingsuba, ula ong ngi dei bansdang ban wanrah iaka jingkhuid jingsuba nyngkong iaka Khyndailad badruh iakiwei ki jaka ha kaba ki nongwan jngohkai pyrthei ki iohi iakaei kaba ka nongbah Shillong ka long khnang ban nang lah shuh shuhban khring ia ki nongjngoh kai pyrthei kumjuh ban pynpaw nam biang sashisien ia ka nongbah Shillong.
Kumba ka sorkar jylla ka kwah ban kyntiew shuh shuh ia ka Jylla ha kakam jngohkai pyrthei lyngba ki jingitynnad jongki lum ki wah ha kajingjyrngam ki dieng ki siej bad ka siunbneng kaba khuid, la ong u Bah Warjri.Na ka liang jongu, ula kyntu iaki paidbah ba kin pynneh pynsah iakamariang bad ban lehkhuid iaki jaka ym tang ha kane ka jinglehkaihynrei ha kiwei pat ki bynta jylla.
Ha kane ka tamasa synrai la pyniphuh pynphing da ka jingshad tynrai jong ki jaidbynriew bapher bapher na ka thain Shatei Lam Mihngi, kynthup ia ka jingshad thma Khasi, shad kheit soh na Rilum Jaintia, ka kynhun tem Orhestra na ka shnong Pynter, ka jingshad Snow Lion na Tibet bad kiwei pat. Ym tang katta lah ioh ruhka jingrwai bad ki jingtem jingput na ka kynhun Nala Rympei.
Ka Snap Paka bad la pynshongshit shuh shuh da ka jingrwai na ka kynhunShillong Chamber Choir, ka jingpyni ia ki jait jingtem ba la pynkhrehkyrpang na ki khynnah jong ka Jeebon Roy Creative Arts, Umsohsun lem ka jingdonlang u samla Toshan Singh Nongbet, u samla uba la poi sha ka
kyrdan Final ha ka lympung India’s Got Talent 2012 kaba dang iaid shaphrang mynta bad na ka liang ka Band na ka jylla Nagaland.(SP News)
