Shillong, Naitung 09: U Chief Engineer jong ka PWD (Road) u Bah L Passah u la ong ba ka dei ka jingshisha ba ka jingkieng thymmai kaba dang shan na East GaroHills mynta ka sngi ka la khyllem ha kaba u Junior Engineer jong ka PWD u la khlad ha shen bad 15 ngut kiwei pat ki la mynsaw.
U Bah Passah u la ong ba kane ka jingkieng ka la khyllem ha ka por ba ki dang leh ia ka casting. U Junior engineer u ba la khlad la tip kyrteng kum u L Marak bad kiwei kiba mynsaw kidei ki ba trei ha shna ia katei ka jingkieng. Ia kine ki ba mynsaw la rah sha ki jaka ai jingsumar.(SP News)
