Williamnagar, Risaw 27: Mynta ka sngi dang saw tyngap ki pulit jong ka Ea
st Garo Hills kila leit ban khynra ia ka iing jong u nongialam ka seng lehnoh GNLA, u Sohan D Shira ha ka shnong Chachathre ha East Garo Hills ha kane ka sngi ki pulit ki la ioh ban kurup ia shibun ki tiar ba don kam ha kaba ia dei bad kajingtrei kam jong ka seng GNLA.
Ki jingkurup kiba don kam eh kaba ki pulit ki la ioh ki long kawei ka satellite phone, ka Pisa Bangladesh bad 39 tylli ki Detonators kiba pyndon kam ha kaba pynbthei bomb. Kiwei ki tiar kiba la ioh kurup ki long ,1 pistol 9mm, ar tylli ki mags, 16 ki kuli 9mm kiba khlem pat pyndon kam,4 claymore box 15 meters safety fuse wire, 39 detonators, 23 mobile phone, 34 batteries, 1 sonny Digital camera, 1 Kodak digital camera , 1 portable colour monitor, shilum u speaker cable, bad PCB wire.
Ki pulit kila ioh ban kurup haduh 11 tylli ki sim kard, saw tylli ki solar light, bad shibun kiwei ki tiar kiba ia dei bad ki kam light. Ki pulit kila ioh ban kurup ka pisa India T. 3,34,100/- bad 63000/- Taka ka pisa Bangladesh, ki pulit ki la kem ia u kynum jong u Sohan ia u ba la tip kyrteng kum u Ponte Ch Momin.(SP News)
