Shillong, Jylliew 01: U Chief Executive Member(CEM) jong ka Jaintia Hills Autonomous District Council (JHADC) u Bah M B Rymbai u la shem shitom ban phah ia ka kyrteng jong u Deputy CEM bad ia u EM sha u Lat jong ka jylla ban ioh ia ka jingmynjur ban pyndap ia ki ar tylli ki shuki kiba dang thylli ha ka Executive Committee kaba u la khlieh.
Katkum ki jingtip kiba la ioh da u SP News Agency ki ong ba ka daw baroh ka la don ka jingmushlia da ki MLA napoh ka seng Congress kiba kwah ban buh ia ki jong ki briew kiba ma ki, ki kwah. Na ka liang jong u CEM mynta ym lah shuh kumno ban leh bad ia no ym pynhun ha kaba phah ia ki kyrteng sha u Lat ka jylla ban ioh ia ka jingmynjur.
Ki thymmei khubor ki iathuh ba na ka daw bay m lah ban thung ia u Deputy CEM bad ia u wei u Em, ka EC jong u Bah M B Rymbai mynta ka don hapdeng ka jingshong synjor . Kiba peit ia kane ka EC kaba mynta ki la sngewlyngoh ba ki dei tang ki dkhot jong ka Congress hynrei kim lah ban ia pynbeit ia kane ka jingiaknieh shuki.
U Bah Lamdibok Sumer CEm barim jong ka JHADC u la hiar shuki halor ka jingbthah jong ka MPCC ha u bnai Iaiong mynta u snem bad da ka jinghiar shuki noh ka jong u ka la pynlong ban wan u Bah MR Rymbai kum u CEM ba thymmai ha kaba mynta la ar bnai ym shym la lah ban thung ia u Deputy CEM bad ia u EM.(SP News)
