Shillong, Naitung 31: Ka ophis Deputy Labour Commissioner ryngkat bad ka District Child Protection Officer, jong ka West Khasi Hills District ki la khynra ia ki jaka ba la suba ba don kiba pyntrei ia ki khynnah ha kane ka jingkhynra la lap ba ki don ki khynnah kiba trei ha ki Restaurant ha New Nongstoin.
Ha kaba ia dei bad kane la ai ia ka jingujor sha ka iing bishar kaba ia dei bad Child Welfare Committee na ka bynta ban iarap ia kine ki khynnah.
Katkum ki kyndon jong ka Child Labour (Prohibition & Regulation) Act, 1986, ka la kren shai kdar ba ia ki khynnah kiba hapoh ka 14 snem ka rta ym dei ban phah trei bylla, ha kino kino ki dukan kiba don jingma.
Lada lap ba ki don kiba pyntrei ia ki khynnah ka jingset phatok kan long lai bnai bad ka jingdain kumno ia kiba pyntrei haduh T.20,000/- lada don kam.(SP News)
