Tura, Nohprah 11: Ki lehnoh GNLA mynta ka sngi ki la khyriwt ia ki pulit jong ka jylla Meghalaya ha ki ar tylli ki jaka ha ri lum Garo, ha kine ki jingjia u wei u pulit u la mynsaw bad ka ophis phah khubor jong ki pulit ka la julor
Ha East Garo Hills, ki lehnoh GNLA kiba la ap ktem kila siat ia ki pulit jong ka South GaroHills ha Nangalbibra ha ka por kumba 11.30 baje mynstep. Ha kane ka jingsiat jong ki lehnoh u wei u pulit uba la tip kyrteng kum u Donboklang Jana u la mynsaw bat la kit ia u sha Guwahati ban phah sumar.
Ha kawei pat ka jingjia ki suba ba ki dei ki lehnoh GNLA ki la kawang da u bomb hand grenade ia ka ophis phah khubor jong ki pulit ia kaba la tip kum ka MPRO kaba don ha Darechekgni ha Tura ha kane ka jingjia kane ka ophis ka la julor. (SP News)
