Shillong, Nailur 3: Ka jingialang paidbah ban pynsngewthuh iaki paidbah khamtam eh ia ki kynthei ba kumno ki lah ban ieng ha la ki jong ki kjat ka la long ha ka shnong Tikrikilla C&RD Block, ha kane ka jingialang la ia kren kumno ban ai bor ia ki kynthei ba ki ieng ha la ki jong ki kjat lyngba ka skhim “Financial Inclusion” kaba san hajar tyngka.
Kane ka skhim ka dei kaba la leh hapoh ka jingpeit jong u myntri rangbah ka jylla lyngba jong ka IBDLP. Kane ka skhimka long ban hikai ia ki kynthei ba kumno kin ioh ia ka kamai jong ki lyngba kane ka jingiarap. Haduh mynta ki la poi ki application haduh 2500 tylli hapoh katei ka block.
Haba kren ha kane ka jingialang na ka liang jong u MLA u Michael T. Sangma, Parliamentary Secretary ba dei peit ia ka tnad Excise u la kyntu ia ki paidbah ba kin shim ia kane ka kabu na ka bynt aka jingmyntoi ka jong ki.
U tei u MLA jong katei ka jaka u la ong ba kane ka pisa kam dei ba kin ioh ha ka kti ka jong ki hynrei ka long ba kan long kum ka bai seng na ka bynta jong ki ha kaba kin shim ram na ki bank bad shuwa ba kin ioh ia ka ram ki hap ban shah hikai ha kano kano ka kam kiba ki lah ban trei.
Kiwei kiba la kren ha kane ka jingialang ki long u Carlos D. Sangma, na ka tand Horticulture lem bad kiwei kiwei ki ophisar jong ka sorkar kiba don ha katei ka thain ha ka jingkren jong ki baroh ka long ban pynsngewthuh ia ki briew ba kumno kin trei ia ka kam ynda ki ioh ia kane ka pisa.(SP News)
