Pynursla, Nailar 25: U Deputy Commissioner jong ka East Khasi Hills District u Sanjay Goyal h
aba kren kum u kongsan ha ka jingialang paidbah ban rakhe ia ka Rakshabhandan ha ka shong Rynthylliang ha rum pynurlsa u la ong ba ki briew bas hem phang kim juh mih sha khmat ban kren ia ka jingshisha kane ka dei ka jingeh ha ka juk kaba mynta.
Na ka liang jong u DC u la ai ka jingiaroh ba ha kane ka shnong ka don kata ka jingpyrkhat ba ka Ri ka don kam ia ka jingiatylli. Ha kane ka Ri India ki don bun jaid ki jaid bynriew bad ki jaid niam bapher bapher hynrei ki nongialam ba khraw jong ka Ri ki la iohi jngai bad ha ka por ba ioh ia ka jinglait luit ki shim ia ka Ri India ban pynlong ka “Secular State” kaba khlem ia shah niam.
“Kum ki paidbah nongshong shnong jong ka Ri India ngi dei ban don ia ka jingsngew sarong ba ngi dei ki nong India, haba ngi leit sha kiwei ki ri jong ka pyrthi ngi pynithuh ia lade ba nga dei u nong India, ai ba kane ka mynsiem ieit ia la ka jong ka ri kan saphriang kylleng ki jaka na kane ka shong”.
U la ong ba ka long kaei kaei kaba sngewsih ban iohi ba ha kane ka juk kaba mynta ki briew kiba nang ba nang bas tad kim juh mih sha khmat ban kren ia ki jingshisha, bun sien kiba kren kim kren ia kaba dei bad ki paidbah ki shah ialam bakla.
Na ka liang jong u OC ka pyrursla u bah P L Syiem ha ka jingkren ka jong u u la ong ba kumba ka long mynta ka akor ka burom kam don shuh ha ki briew mynta, u kyntu ia ki samla ba kin long ki briew kiba don ka akor ka burom khamtam ki khynnah skul.
Ia kane ka sngi pyniatylli la pynlong ia kane ka jingialang paidbah da ka Seva Bharati Meghalaya bad ha kane ka sngi la rakhe ha ka sien kaba nyngkong ia ka “Rakshabhandhan” kaba mut ka jingiateh paralok kane ka jingleh ha kane ka ri India ka la iaid mynta la 4000 snem mynshuwa bad ha kane ka Ri Khasi ka dang long ka sien kba nyngkong.
Ha kane ka sngi la pynkup burom ruh ia baroh ki samla ba pass ha ka kyrdan kaba nyngkong ha ka matrik na ki skul kiba la seng da ka seng khasi ha ka thain Ri War Mih ngi. Ha kane ka sngi la don bun bah ki briew kiba la wan ban ia shim bynta lang ban rakhe ia kane ka sngi.(SP News)
