Shillong, Risaw 04: U myntri rangbah ka jylla u Dr Mukul Sangma u la ong hapoh ka iing dorbar ba ki don lain gut ki ophisar ha khydop khrong khajana ha Dainadubi bad kita ki long Comol R. Marak, Hermon Shadap bad u Bickstone N. Marak.
Kane ka long ka jubab kaba la ai da u myntri rangbah hapoh ka iing dorbar mynta ka sngi ia ka jingkylli kaba la wanrah da u Clifor R marak.
Haba jubab ia ki jingkylli bynrap na ka liang jong u myntri rangbah u la ong ba ka jingioh lum khajana na katei ka khynrdop na ka bynta jong u snem 2012-2013 ka long T.3.46 lak tyngka, kat ban a ka bynt u snem 2013-2014 haduh mynta u bnai ka la kot sha ka T. 4.65 hajar tyngka. La ong u myntri rangbah.(SP News)
