Shillong, Rymphang 02: Ka HNLC ka pynpaw iaka jingsngewkhia halor ki kam thombor kiba iai jia naka por sha ka por ha ka thaiñ Nongkhlieh, Briwar Bad Samasi, Kane ka jingiaknieh jaka ka lah ktah shibun iaki briew kane ka thain haduh ba ki nongtrei bylla kiba shu imja im dohkha na kti ha shyntur ki lah tieng wat ban leit trei dewiong ha kitei ki jaka.
Dang ha kine ki sngi ngi iohi haki lad pathai khubor ba wat ki trok kit dewiong ki shah thang, bad ha kine kijuh ki jaka katno ngut shuh ki paradoh parasnam ki lah shah pyntieng pynsmiej, shahbom,shah siat pynmynsaw ha ka kynhun ki runar. Kaei ka daw ba ka tnad pulit kam leh eiei halor katei ka jingjia wat lada ki briew kane ka thain ki lah leit ban ai jingujor?Hato ka JHADC kam lah ban tuklar halor katei ka jingiakynad jaka ha kitei ki thaiñ.
Ka long ruh ka jingsngewlehraiñ ha kajuh ka por ba kat u hehspah uba lah long MP mynta uba dei na jaintia hi ym shym kren eiei halor katei ka jingjia, lada kat sha bar ri u lah wan ban ia khublei kti markhmat bad u Pope,kaei ka jingeh pat ba yn ai lem kajuh ka kti na bynta ban iarap ia kito ki rit ki ria kiba shah thombor man ka por haka kynhun ki riewrunar kiba lah tip kyrteng kum u Stephan Rymbai(SHNLC),Begin paslein,Heimon manner,Jamris Rymbai.
Kine ki runar ym tangba ki pynthut iaka shongsuk shongsaiñ hynrei ki pynher syrngiew wat iaki kynthei,khynnah ha katei ka thain.Lada u Ma Pala ym lah ban shim iaka jingkitkhlieh ban wanrah iaka jingsuk tang ha ka thaiñ lajong, phin khmih lynti aiu pat na une u MP, ba un iasaid, ba un shim ka jingkitkhlieh na bynta ka jaidbynriew u Hynñiewtrep Hynñiewwasa ha Parliament.
Lada ki bor ka aiñ ruh kim lah ban leheiei halor katei ka jingjia, ka HNLC kam banse ban tuklar ia katei ka kam thombor kitei ki runar da kaba kan shim iaka aiñ haki ktang suloi jong ka khnang ban wanrah biang sa shisien iaka shongsuk shongsaiñ kum shi paradoh parasnam katei ka thaiñ.
Kumta ka seng kum ka jingshimphrang ban wanrah ia katei ka jingsuk ha katei ka jaka, ka kyntu iaki nongshong shnong katei ka thaiñ ban wad marmar ia kine ki briew bad sa ai jingtip sha ka seng iaka iaid ka ieng,ka jaka shong jaka sah kitei ki riewsniew kiba lah kdew kyrteng haneng.
Kaba sngewphylla ka long ba wat la ki trai jaka ki lah jop daka ain kat na iingkashari, hynrei ki katto katne ki heh pulit,hehspah na ri lum pnar ki pynlong madan thma pynban iaka khyndew ka shyiap ki trai jaka trai par bad knieh shi syndon iaka hok jong ki. La ioh jingtip ruh ba ki Heh Pulit ki kamai spah bha na katei ka jingjia ha kaba ki ia treilang bad katei ka kynhun ki runar, Katba ki langrut jong ka tnad pulit pat ki dang shna pisa da kaba lute bad dawa naki kali kitmar man ka sngi.
Kyntang iawai, ka seng ka kyntu iaki Heh ki SHNLC kumjuh ba kim dei ban buaid politik than hynrei da teh lakam iala ki jong ki dkhot kiba ialeh pyrshah iaka Seng , bad kiba knieh iaka hok ki briew baluilui lym kumta ka HNLC kan nym don jingkitkhlieh. Kane ka long katkum ka kyrwoh kaba la phah da ka u nongai khubor ka seng HNLC u bah Saiñkupar Nongtraw Publicity Secretary, HNLC. (SP News)
